Rui Costa, forseti portúgalska félagsins Benfica, hefur staðfest það að félagið hafi fengið tilboð í hinn efnilega Joao Neves.
Neves er sterklega orðaður við bæði Arsenal og Manchester United sem og franska stórliðið Paris Saint-Germain.
Neves er með kaupákvæði upp á 120 milljónir evra í sínum samningi en gæti verið seldur fyrir lægri upphæð að sögn Costa.
,,Ég hef aldrei sagt að Neves megi aðeins fara fyrir þetta ákveðna kaupákvæði og þess vegna eru þessar fréttir rangar,“ sagði Costa.
,,Það sem ég get sagt varðandi Joao Neves er að við erum með tilboð á borðinu. Ég ætla ekki að segja hvar við stöndum.“
,,Við erum með tilboð sem er verið að skoða og rætt. Eins og staðan er þá er Neves leikmaður Benfica.“