Manchester United gæti verið að íhuga það að losa miðjumanninn Mason Mount eftir aðeins eitt tímabil hjá félaginu.
Frá þessu greinir breski miðillinn HITC en Mount kom til United frá Chelsea fyrir síðasta tímabil.
Meiðsli settu stórt strik í reikning leikmannsins sem spilaði aðeins 14 deildarleiki og 20 leiki í öllum keppnum og skoraði þar eitt mark.
United hefur áhyggjur af meiðslum Mount að sögn HITC en félagið borgaði um 60 milljónir punda fyrir hans þjónustu.
Það verður fróðlegt að sjá hvað gerist í sumar en félagaskiptaglugginn lokar ekki fyrr en 31. ágúst.
United er að leita að öðrum miðjumanni fyrir næsta tímabil sem gæti þó leitt til þess að Mount verði seldur annað eftir stutta dvöl á Old Trafford.