Davíð Ingvarsson er kominn aftur til Breiðabliks en hann skrifar undir samning við félagið til ársins 2026.
Þetta staðfesti félagið í dag en Davíð hefur undanfarið spilað með liði Kolding í Danmörku.
Þar fékk bakvörðurinn lítið að spila og hefur ákveðið að koma aftur heim í Bestu deildina.
Davíð á að baki yfir 170 leiki fyrir Breiðablik og kemur til með að hjálpa liðinu mikið í toppbaráttunni.
Breiðablik situr í þriðja sæti deildarinnar og mætir KR á heimavelli á morgun.