Erik ten Hag, stjóri Manchester United, vonar að nýr framherji liðsins, Joshua Zirkzee, geti lært af goðsögninni Ruud van Nistelrooy.
Van Nistelrooy er fyrrum markavél United en hann var ráðinn inn í þjálfarateymi Ten Hag á dögunum.
Zirkzee er hollenskur líkt og Van Nistelrooy en hann lék áður með bæði Bayern Munchen og Bologna.
,,Vonandi geturðu lært eitthvað af honum. Hann hefur skorað nokkur mörk. Hann er að bíða eftir þér,“ sagði Ten Hag við Zirkzee.
Zirkzee svaraði stjóra sínum og virkaði mjög spenntur á æfingasvæði félagsins.
,,Já, ég sá hann þarna inni. Hann skoraði þónokkur mörk, já!“
Vonandi fyrir Zirkzee getur landi hans hjálpað fyrir komandi tímabil sem hefst eftir tæplega mánuð.