West Ham er óvænt að reyna að fá N’Golo Kante frá sádiarabíska félaginu Al-Ittihad. Sky Sports greinir frá.
Hinn 33 ára gamli Kante gekk í raðir Al-Ittihad frá Chelsea síðasta sumar. Hann átti nokkur frábær ár á Englandi en glímdi við mikil meiðsli undir lok tímans þar.
Miðjumaðurinn átti mjög gott Evrópumót með Frökkum og nú vill West Ham freista þess að fá hann aftur í bestu deild í heimi.
West Ham er til í að borga um 20 milljónir punda fyrir Kante en launapakki hans í Sádí gæti þó reynst hindrun og eitthvað sem erfitt er að jafna.