Maður hefur verið ákærður fyrir tvær sérstaklega hættulegar líkamsárásir sem framdar voru á árinu 2021.
Þann 16. janúar það ár er hann sagður hafa ráðist á mann á bílastæði við Gróttuvita á Seltjarnarnesi og slegið hann tvisvar til þrisvar í höfuðið með hnúajárni, þannig að brotaþoli féll í götuna. Hann er sömuleiðis sagður hafa slegið annan mann á staðnum tvisvar í höfuðið með hnúajárni. Báðir mennirnir hluti talsverða áverka af árásinni.
Hinn árásin sem maðurinn er ákærður fyrir átti sér stað í Hafnarfirði í lok maí árið 2021. Er hann sagður hafa slegið mann ítrekað með krepptum hnefum, sparkað í höfuð hans og í eitt skipti slegið hann með glerflösku í höfuðið. Hlaut brotaþoli nokkra áverka af árásinni.
Héraðssaksóknari krefst þess að hinn ákærði verði dæmdur til refsingar og greiðslu alls sakarkostnaðar.
Málið verður þingfest við Héraðsdóm Reykjaness þann 21. ágúst næstkomandi.