Kántrý-söngkonan Ingrid Andress hefur viðurkennt að hún var drukkin þegar hún söng þjóðsöng Bandaríkjanna á hafnarboltaviðburðinum Home Run Derby á mánudaginn. Hún greinir jafnframt frá því að ætla nú í meðferð við áfengissýki.
„Ég ætla ekkert að skafa utan af því, ég var full í gærkvöldi,“ skrifaði söngkonan á samfélagsmiðla sína. „Ég ætla í meðferð í dag til að fá hjálpina sem ég þarf. Þetta var ekki ég í gær.“
Hún biður aðstandendur viðburðarins, áhorfendur sem og Bandaríkjamenn alla afsökunar, en hún hefur undanfarna daga verið harðlega gagnrýnd fyrir að hafa hreint slátrað laginu.
Söngkonan var vægast sagt fölsk á mánudaginn sem þótti undarlegt þar sem Ingrid er þekkt fyrir að vera kraftmikil tónlistarkona. Flutningur hennar á þjóðsöngnum, The Star-Spangled Banner, hefur verið borin saman við flutning söngkonunnar Fergie árið 2018 sem og grínistans Roseanne Barr árið 1990.
Flutning Ingrid má heyra hér:
Til samanburðar má rifja upp sambærilegt atvik þegar Fergie söng lagið árið 2018.
Og loks Rosanne Barr