Bayern Munchen er á eftir tveimur spennandi sóknarmönnum eftir því sem fram kemur hjá Sky Sports í Þýskalandi.
Leikmennirnir sem um ræðir eru Xavi Simons hjá Paris Saint-Germain og Desire Doue hjá Rennes.
Hinn 21 árs gamli Simons er eftirsóttur eftir flott tímabil á láni hjá RB Leipzig á síðustu leiktíð. Hann hefur einnig verið orðaður við Manchester United en nú þykir Bayern líklegasti áfangastaðurinn.
Doue er 19 ára gamall og rétt eins og Simons spilar hann úti á kanti eða fyrir aftan framherja. Hann skoraði fjögur mörk og lagði upp fimm á síðustu leiktíð í Ligue 1.
Vincent Kompany tók við sem stjóri Bayern í sumar og hefur verið duglegur að styrkja liðið. Joao Palinha, Michael Olise og Hiroki Ito eru allir mættir til félagsins.