Ian Wright, fyrrum landsliðsmaður Englands, er sannfærður um það að ein af stjörnum Spánar hafi verið að gera grín að Englandi fyrir úrslitaleik EM í gær.
Um er að ræða Dani Olmo sem var einn besti leikmaður Spánverja á EM sem vann mótið eftir 2-1 sigur á Englendingum.
Fyrir leik sást Olmo með tebolla á vellinum en eins og flestir vita þá er te gríðarlega vinsæll drykkur í Bretlandi.
Bollinn virðist hafa verið tómur en það er þó erfitt að fullyrða þá staðreynd.
,,Ég er nokkuð viss um að hann hafi verið að gera grín að okkur,“ sagði Wright í beinni útsendingu ITV Sport.
Atvikið virtist ekki hafa of mikil áhrif á ensku leikmennina en Jordan Pickford, markvörður liðsins, tók eftir hegðun Olmo.
Myndir af þessu má sjá hér.