Manchester City er að skoða það að kaupa eina af hetjum EM í Þýskalandi ef marka má heimildir Gianluca Di Marzio.
Di Marzio er ansi virtur blaðamaður á Ítalíu en hann sérhæfir sig í félagaskiptamálum og er með góðar heimildir.
Dani Olmo var einn besti leikmaður Spánar á EM í Þýskalandi er liðið vann mótið og skoraði þrjú mörk í keppninni.
Olmo spilar með RB Leipzig í Þýskalandi en hann er fáanlegur fyrir 60 milljónir evra – eitthvað sem City getur borgað.
Samkvæmt Di Marzio er City að leita að arftaka Kevin de Bruyne sem er kominn á seinni ár ferilsins en hann spilaði aðeins 26 leiki í vetur og var mikið meiddur.