Amanda Andradóttir er genginn í raðir hollensku meistaranna í Twente frá Val. Hún skrifar undir tveggja ára samning.
Hin tvítuga gekk í raðir Vals fyrir um ári frá Kristianstad og síðan hefur hún raðað inn mörkum og verið hvað besti leikmaður Bestu deildarinnar.
„Ég hlakka mjög til að koma til Hollands og kynnast öllum. Twente hefur verið með mjög gott lið í mörg ár og ég hlakka til að bæta mig hér,“ segir Amanda við heimasíðu Twente.
Twente og Valur eru í sama riðli í undankeppni Meistaradeildarinnar og mætast þar ef þau vinna sína leiki í undanúrslitum.
„Ég vil ekki mæta Val ef ég á að vera hreinskilin, ég óska liðinu alls hins besta. Ef við vinnum Cardiff getum við mætt Val og þá verður það mjög erfiður leikur,“ segir Amanda.
🔴🤝 𝗪𝗲𝗹𝗸𝗼𝗺 𝗔𝗺𝗮𝗻𝗱𝗮!
Amanda Andradóttir draagt vanaf komend seizoen het shirt van FC Twente Vrouwen.
De 20-jarige IJslandse speelster komt over van Valur en tekende in De Grolsch Veste een contract voor twee seizoenen.
🔗 https://t.co/i7Jw2ua7Bb #FCTwente pic.twitter.com/v84E2B8Js9
— FC Twente Vrouwen (@FCTwenteVrouwen) July 15, 2024