Marc Cucurella, leikmaður Chelsea og spænska landsliðsins, var ekki búinn að gleyma ummælum Gary Neville fyrir EM Þýskalandi er hann var að fagna sigri Spánar á mótinu.
Spánn vann England 2-1 í úrslitaleik keppninnar í gær. Fyrir mót hafði Neville sagt að hann hefði ekki trú á að Spánn gæti farið alla leið, meðal annars þar sem menn á borð við Cucurella væru í liðinu.
„Við fórum alla leið Gary. Takk fyrir stuðninginn,“ grínaðist bakvörðurinn á Instagram eftir leik í gær.
Hér að neðan má sjá færslu hans.
