Argentína 1 – 0 Kólumbía
1-0 Lautaro Martinez(‘112)
Argentína vann Copa America annað árið í röð í nótt er liðið mætti Kólumbíu í úrslitaleiknum.
Leiknum lauk með 1-0 sigri Argentínumanna en Lautaro Martinez skoraði eina markið.
Martinez kom inná sem varamaður í framlengingu og kom boltanum í netið er 112 mínútur voru komnar á klukkuna.
Lionel Messi, stærsta stjarna Argentínu, fór af velli á 66. mínútu en hann meiddist á ökkla og gat ekki tekið frekari þátt.
Kólumbía stóð svo sannarlega í Argentínumönnum og var á köflum líklegri til að skora sigurmarkið en Martinez sá að lokum um að gera það.