Sonur umdeilda sóknarmannsins Neal Maupay heitir Ollie en hann er skírður í höfuðið á Ollie Watkins, framherja Englands.
Maupay segir sjálfur frá þessu en hann og Watkins spiluðu saman með Brentford um tíma.
Maupay er franskur en hefur búið á Englandi í mörg ár og hefur fylgst með vini sínum spila fyrir England á EM í Þýskalandi.
,,Ég spilaði með honum, Ollie er vinur minn. Markið gegn Hollendingum var alvöru framherjamark,“ sagði Maupay.
,,Ég er ánægður fyrir hans hönd og er með sögu fyrir ykkur. Ég skírði son minn í höfuðið á Ollie Watkins.“
,,Ég htti hann fyrst fyrir um átta árum hjá Brentford og var mjög hrifinn af nafninu. Ég sagði við hann að ef ég myndi eignast son þá myndi ég skíra hann Ollie, það er það sem ég gerði!“
,,Ég ræddi við hann í síðustu viku til að láta hann vita.“