Erik ten Hag er búinn að gefa Manchester United grænt ljós á að selja danska landsliðsmanninn Christian Eriksen.
Frá þessu greinir Mirror en Eriksen er 32 ára gamall og var ekki einn af lykilmönnum liðsins síðasta vetur.
Eriksen hefur spilað með United frá 2022 en hann er þekktastur fyrir tíma sinn hjá Tottenham frá 2013 til 2020.
Hann lék með danska landsliðinu á EM í Þýskalandi og hefur á ferlinum leikið yfir 130 landsleiki fyrir eigin þjóð.
Ten Hag er tilbúinn að losa Eriksen í sumar en hann tók þátt í 28 leikjum í öllum keppnum og skoraði eitt mark.