Eins skrítið og það kann að hljóma þá hefur Chelsea hafnað tilboði frá Sádi Arabíu í markmanninn Kepa Arrizabalaga.
Kepa eins og hann er yfirleitt kallaður á enga framtíð fyrir sér hjá Chelsea en hann lék með Real Madrid á láni í vetur.
Kepa missti sæti sitt sem aðalmarkvörður Real eftir áramót og spilaði aðeins einn leik 2024 fyrir spænska liðið.
Chelsea var talið vilja losna við Kepa sem fyrst og fékk tilboð frá Al-Ittihad í Sádi Arabíu þar sem peningarnir eru miklir.
Samkvæmt Athletic var því boði hins vegar hafnað en upphæðin er ekki gefin upp að svo stöddu.
Kepa mun ekki verja mark Chelsea í vetur en líklegt er að liðið vilji fá hærri upphæð fyrir spænska markmanninn.