Emile Heskey, fyrrum leikmaður Liverpool, telur að félagið geri rétt með því að hafna 100 milljóna punda tilboði í sóknarmanninn Mohamed Salah.
Talið er að lið í Sádi Arabíu ætli að bjóða 100 milljónir í Salah í sumar en líkur eru á að því boði verði hafnað.
Salah er 32 ára gamall en hann á aðeins 12 mánuði eftir af samningi sínum við enska félagið.
,,Þetta boðar gott því hvernig ætlarðu að finna arftaka manns sem skorar 20 mörk eða fleiri á hverju tímabili á svona stuttum tíma?“ sagði Heskey.
,,Það er gríðarlega erfitt, ef þú getur haldið honum þá heldurðu honum. Það eru ekki margir sem gera það, ákvörðunin er erfið því þú gætir endað á að missa hann frítt.“
,,Ef þú getur ekki fundið mann í hans stað þá er ekkert vit í því að eiga fullt af peningum til að eyða.“