Vængmaðurinn Facundo Pellistri er kominn með nóg og vill nú fá að yfirgefa lið Manchester United endanlega.
Pellistri er 22 ára gamall en hann hefur verið á mála hjá enska félaginu undanfarin fjögur ár.
Tækifærin hafa verið af skornum skammti en hann spilaði þó 14 leiki fyrir félagið á síðustu leiktíð áður en hann var lánaður til Granada.
Pellistri sér ekki fram á að hann eigi framtíð fyrir sér í Manchester og horfir á að fara aftur til Spánar.
Það er Sky Sports sem greinir frá en um er að ræða úrúgvæskan landsliðsmann.
