Guðmundur Þórarinsson er að taka ansi sérstakt skref á ferlinum en hann er að gera samning í Armeníu.
Um er að ræða 32 ára gamlan leikmann sem var síðast á mála hjá OFI Crete sem spilar á Krít.
Guðmundur ákvað að yfirgefa það félag og er nú að semja við Noah FC sem spilar í efstu deild í Armeníu.
Talið er að þessi skipti gangi í gegn eftir helgi en Guðmundur er svo sannarlega að reyna fyrir sér í óþekktu knattspyrnulandi.
Hann hefur þó spilað fyrir þónokkur lið á ferlinum en löndin eru Ísland, Noregur, Danmörk, Svíþjóð og Bandaríkin.