Lazio mun gefast upp á framherjanum Mason Greenwood ef félagið nær ekki samkomulagi við Manchester United fyrir 8. júlí.
Þetta fullyrðir Calciomercato en Greenwood er á förum frá Manchester United í sumarglugganum.
Hvert Greenwood fer er óljóst en nokkur félög í Evrópu eru að horfa til leikmannsins.
Lazio hefur ekki viljað borga 50 milljónir evra fyrir sóknarmanninn en tilboði liðsins upp á 25 milljónir var hafnað.
Lazio hefur ákveðið að gefa United nokkra daga í að taka ákvörðun um hvort þessi 50 milljóna evra verðmiði verði lækkaður.
Ítalska félagið hefur einfaldlega ekki efni á að borga svo háa upphæð fyrir Greenwood sem var hjá Getafe á síðustu leiktíð á lánssamningi.