Samkvæmt hlaðvarpsþættinum Þungavigtin er KR stórhuga þegar félagaskiptaglugginn opnar nú 17 júlí en gengi liðsins hefur verið vonbrigði í Bestu deildinni í sumar.
KR lét Gregg Ryder fara sem þjálfara á dögunum og Pálmi Rafn Pálmason tók við starfinu, þá hefur Óskar Hrafn Þorvaldsson tekið við sem yfirmaður knattspyrnumála hjá KR.
Samkvæmt Þungavigtinni er KR að reyna að fá Arnór Ingva Traustason og Hólmbert Aron Friðjónsson heim úr atvinnumennsku.
Hólmbert er samningslaus en hann var síðast hjá Holstein Kiel í Þýskalandi og hjálpaði liðinu að komast upp í þýsku úrvalsdeildina á síðustu leiktíð.
Arnór Ingvi er lykilmaður í íslenska landsliðinu í dag og er einn besti leikmaður Norrköping í sænsku úrvalsdeildinni.
KR var stórhuga á markaðnum fyrir tímabilið og sótti þrjá íslenska leikmenn heim úr atvinnumennsku og Páll Kristjánsson, formaður KR virðist hvergi nærri hættur.
Hólmert Aron og Arnór Ingvi á leið í KR?https://t.co/v5Ufg9Y5bz#Þungavigtin
— Kristján Óli Sigurðsson (@kristjanoli) July 5, 2024