„Jón Þór Hauksson er þjálfari ársins hingað til,“ sagði Hörður Snævar Jónsson um ÍA, sem er í fjórða sæti með 20 stig.
„Já og kannski Ómar hjá HK ef þú horfir í leikmennina sem hann er með,“ skaut Helgi Fannar Sigurðsson inn í áður en Hörður tók til máls á ný.
„Þeir eru nýliðar í deildinni og eru komnir með 20 punkta. Þeir eiga leik til góða á Val og geta minnkað forskotið í 2 stig,“ sagði hann.
„Það er það merkilega. Við höfum verið að tala um þessi efstu þrjú sem alveg heilu en það er verið að saxa á forskotið. FH getur líka gert það,“ sagði Helgi þá.
Hörður segir Skagamenn vera að uppskera eftir flottan félagaskiptaglugga í vetur.
„Við sáum hvernig þeir höguðu sér á leikmannamarkaðnum. Það er hugsun á bak við þá sem eru að koma, eins og Hinrik Harðarson og Marko Vardic. Þeir eru bara byrjunarliðsmenn. Það eru sóttir menn til að styrkja byrjunarliðið og það hefur heppnast vel.“
