Ríkissaksóknari ætlar ekki að áfrýja sýknudómi Héraðsdóms Reykjaness yfir Kolbeini Sigþórssyni, fyrrverandi landsliðsmanni í fótbolta. Frá þessu er sagt á RÚV.
Kolbeinn var sýknaður af ákæru um nauðgun og kynferðisbrot gegn barnungri stúlku.
Kolbeini var gefið að sök að hafa brotið gegn stúlkunni í júní fyrir tveimur árum en hann neitaði sök. Foreldrar stúlkunnar höfðu krafist þriggja milljóna króna í miskabætur. Henni var vísað frá dómi.
Kolbeinn á að baki 64 A-landsleiki. Hann spilaði síðast með Gautaborg í Svíþjóð en hann hefur einnig leikið fyrir lið eins og Ajax, Galatasaray og Nantes.
Hann hefur ekki spilað fótbolta frá árinu 2021 þegar hann lagði skóna á hilluna.