Chandler West starfaði sem ljósmyndari í Hvíta húsinu, meðal annars í núverandi forsetatíð Bidens, og tjáði hann sig um stöðu mála á Instagram um helgina.
Í færslunni sagði hann meðal annars:
„Það er kominn tími fyrir Joe Biden að stíga til hliðar. Ég þekki margt af þessu fólki hg hvernig Hvíta húsið starfar. Þau munu segja að þetta hafi verið „kvef“ eða að forsetinn hafi ekki átt sinn „besta dag“ en í vikur og mánuði hafa þau öll séð það sem við sáum í gærkvöldi – Joe er ekki eins sterkur og hann var fyrir nokkrum árum síðan.“
Þrýst hefur verið á Demókrata að skipta Joe Biden út og finna nýtt forsetaefni og hefur Kamala Harris varaforseti verið nefnd í því samhengi. Telja margir að ef fer sem horfir muni Biden ekki eiga möguleika gegn Donald Trump í kosningunum sem fram fara í haust.