Barcelona hefur tjáð Ansu Fati að hann eigi enga framtíð fyrir sér hjá félaginu og er honum frjálst að fara í sumar.
Þetta eru í raun sorgarfréttir en Fati vakti fyrst athygli 2019 en hann var aðeins 16 ára gamall og spilaði með aðalliðinu.
Meiðsli hafa sett strik í reikninginn á ferli sóknarmannsins sem er í dag 21 árs gamall og spilaði með Brighton í vetur á láni.
Fati spilaði alls 112 leiki fyrir Barcelona og skoraði 29 mörk og tókst að spila 27 leiki fyrir Brighton á síðasta tímabili.
Hvert Fati fer næst er óljóst en hann er ekki í plönum Hansi Flick sem tók við Börsungum á árinu.