Helgi Fannar og Hrafnkell Freyr fengu lögfræðinginn og hlaðvarpsstjörnuna Jóhann Skúla Jónsson í heimsókn í nýjasta þætti af Íþróttavikunni á 433.is.
Það var til að mynda rætt um Bestu deild karla, en Jóhann er mikill Valsari. Liðið er í þriðja sæti deildarinnar, stigi á eftir Breiðabliki og 5 á eftir Víking en síðastnefnda liðið hefur þó spilað leik meira en keppinautarnir.
„Ég er eiginlega ekki með Blikana í þessari baráttu, sem er fáránlegt. Ég er eiginlega bara að horfa á Víking.“
„Mér líður mjög svipað með Breiðablik og mér leið með Liverpool í vetur. Maður var með rembing að við yrðum með í þessu en nú þegar þetta er að gerast í annað sinn get ég horft blákalt á þetta.“
„Mér finnst þeir hafa verið heppnir í sumum leikjum, tekið þrjú stig þar sem þeir áttu ekki endilega að gera það. Ég held að það sé ekki nóg til langs tíma.“
