Þýska lögreglan rannsakar nú mál þar sem tveir fertugir pólskir ríkisborgarar eru sagðir hafa „stundað kynlíf“ um borð í flugvél Lufthansa frá Alicante á Spáni til Þýskalands. Er fólkið sagt hafa gert þetta í sætum sínum.

Mirror segir að fólkið hafi ítrekað verið beðið um að hætta  en hafi ekki hlustað á það og haldið kynlífsiðkuninni áfram og um leið látið svívirðingum rigna yfir áhafnarmeðlimi og hvatt þá til að tilkynna lögreglunni um málið.

Þegar vélin lenti í Munich biðu lögreglumenn hennar og handtóku parið áður en öðrum farþegum var hleypt frá borði.