Öll lið riðilsins enduðu með 4 stig, en í honum léku einnig Slóvakía og Rúmenía. Belgar enda í öðru sæti riðilsins og mæta Frökkum en hefðu unnið hann með sigri í dag.
Óskar var sérfræðingur á RÚV yfir leiknum og furðaði hann sig á því að Belgar hafi ekki reynt að vinna Úkraínu í dag og þar riðilinn.
„Það vantar allan neista. Þetta er Belgía að spila á móti Úkraínu og þeir sýna engan áhuga á að vinna þennan leik og þennan riðil,“ sagði Óskar.
„Þetta er galið og óboðlegt en þetta segir svolítið um hugarfarið. Það er engin trú. „Við komumst áfram ef það er jafntefli, höldum þessu, við erum öruggir.“ Ömurlegir Belgarnir.“
Rúmenar vinna E-riðil og Slóvakar fara einnig áfram. Úkraína situr eftir.