Úkraína féll á ótrúlegan hátt úr leik í riðlakeppni EM í dag.
Liðið hafnaði í neðsta sæti E-riðils með 4 stig, en það var ljóst með markalausu jafntefli gegn Belgum í dag.
Það magnaða er að öll önnur lið riðilsins, sem innihélt einnig Slóvakíu og Rúmeníu, enduðu líka með 4 stig.
Öll nema Úkraína fara áfram úr þessum riðli en liðið fellur úr leik á markatölu.
Þetta er í fyrsta sinn í sögu Evrópumótsins sem lið fær 4 stig í riðlakeppni en fellur úr leik.