Ronald Koeman þjálfara Hollands segir að það hafi verið erfitt að taka Joey Veerman af velli í fyrri hálfleik gegn Austurríki í gær.
Veerman var kippt af velli eftir um hálftíma leik en hann hafði svo sannarlega átt í vandræðum.
„Ég finn til með Veerman. Ég var hins vegar ánægður að taka hann af velli því það var sorglegt að sjá hann spila,“ sagði Rafael van der Vaart fyrrum leikmaður Hollands eftir leik.
Koeman hafði rétt fyrir sér en Veerman fann samherja aðeins í 9 af 19 tilraunum sínum. Þá tapaði hann boltanum oft.
Veerman var eðlilega niðurbrotinn þegar hann var tekinn af velli og sást fella tár á bekknum.
Það var heldur betur dramatík í D-riðili Evrópumótsins í gær. Austurríki endaði á að vinna riðilinn.
Austurríki mætti Hollandi í lokaleiknum en liðið hafði tapað gegn Frökkum en unnið Pólland og var því með þrjú stig.
Holland var með fjögur stig eftir sigur á Póllandi en jafntefli gegn Frakklandi. Staðan var 0-1 fyrir Austurríki í hálfleik en Donyell Malen setti boltann í eigið net.
Síðari hálfleikurinn var hins vegar frábær skemmtun en Cody Gakpo sóknarmaður Liverpool jafnaði fyrir Holland.
Romano Schmid kom Austurríki yfir áður en Memphis Depay jafnaði aftur fyrir Holland á 75 mínútu. Adam var þó ekki lengi í paradís því fimm mínútum síðar tryggði Marcel Sabitzer liðinu sigur í leiknum og í riðlinum.