Moskítóflugur eru að gera þýska landsliðinu erfitt fyrir í undirbúningi sínum fyrir leiki en þeir hafa hreiðrað um sig á æfingasvæði félagsins.
Þýska liðið er með búðir sínar í höfuðstöðvum Adidas í Þýskalandi þar sem liðið hefur allt til alls til að undirbúa sig fyrir leiki Evrópumótsins.
Moskítóflugurnar eru hins vegar út um allt. „Þetta er ótrúleg plága, mikið af flugum. Við verðum að sjá til þess að það sé alltaf vindur, þá fara flugurnar frá okkur,“ segir Julian Naglelsmann þjálfari liðsins.
Leikmenn liðsins geta lítið verið utandyra. „Við verðum að vera með net á okkur þegar við erum í lauginni,“ sagði Neuer sem segir liðið fara inn á hótelið til að fylgjast með öðrum leikjum.
Þýska liðið er komið í 16 liða úrslit en liðið vann A-riðilinn með sjö stigum.