Spænski miðillinn Sport heldur því fram að Manchester United hafi fundað með Barcelona fyrir nokkrum mánuðum síðan og boðið því að kaupa Jadon Sancho.
Samkvæmt frétt miðilsins höfnuðu Börsungar þó þessu tilboði þar sem félagið á ekki efni á að kaupa Sancho. Eru þeir þó enn opnir fyrir því að fá Englendinginn ef hann er fáanlegur á láni í sumar.
Sancho var á láni hjá Dortmund eftir áramót eftir að hafa átt í stríði við Erik ten Hag, stjóra United.
Á dögunum varð ljóst að Ten Hag verður áfram við stjórnvölinn á Old Trafford og á Sancho því líklega enga framtíð fyrir sér þar. Nokkur stórlið hafa sýnt honum áhuga, þar á meðal Dortmund.
Sancho gekk í raðir United frá Dortmund árið 2021 á 73 milljónir punda. Hann hefur hins vegar ekki staðið undir væntingum síðan.