Gengi KR á tímabilinu hefur verið afleitt en það var til að mynda mikið rætt hversu hátt Ryder var með lið sitt á vellinum í leikjum.
„KR gerir það sem margir hafa kallað eftir, fara neðar á völlinn. Og við sjáum að þeir fá strax frammistöðu frá Axel Óskari,“ sagði Helgi Fannar Sigurðsson í hlaðvarpi Íþróttavikunnar, en miðvörðurinn hefur hlotið töluverða gagnrýni á tímabilinu.
Þá var rætt um framhaldið hjá KR, en Pálmi Rafn Pálmason stýrir liðinu til bráðabirgða.
„Pálmi kemur út eftir leik og segist vilja starfið svo það verður áhugavert að sjá hvað þeir gera. Þeir eiga tvo heimaleiki í röð á móti Fylki og Stjörnunni, tvö af þremur lélegustu útivallarliðum landsins svo þeim hugnast það væntanlega ágætlega,“ sagði Hörður Snævar Jónsson áður en Helgi tók til máls á ný.
„Við gætum séð alvöru „new manager bounce“ í nokkra leiki. Þetta eru tveir álitlegir leikir.“