Sóknarmaðurinn Michael Olise er búinn að ná samkomulagi við þýska stórliðið Bayern Munchen.
Frá þessu greinir Athletic en heimildir miðilsins eru oftar en ekki nokkuð traustar.
Olise var talinn vera á leið til Chelsea en enska stórliðið sýndi leikmanninum mikinn áhuga undanfarnar vikur.
Olise er hins vbegar búinn að taka ákvörðun um að fara til Þýskalands en hann er 22 ára gamall og er einn allra mikilvægasti leikmaður Palace.
Chelsea taldi verðmiða leikmannsins of háan en Bayern mun borga allt að 60 milljónir punda fyrir strákinn.