Spánn verður án miðjumannsins Rodri í lokaleik riðlakeppninnar en hann fékk gult spjald á fimmtudag gegn Ítölum.
Rodri reif kjaft við dómara leiksins rétt fyrir hálfleik og fékk að launum gult spjald sem var hans annað í mótinu.
Um er að ræða einn allra mikilvægasta leikmann Spánar sem verður ekki með gegn Albaníu á mánudaginn.
Spánverjar eru búnir að tryggja sér sæti í 16-liða úrslitum eftir sigur gegn Króatíu og síðar Ítölum, 3-0 og 1-0.
Það gætu verið fínar fréttir fyrir Spán að Rodri fái hvíld í þessum leik en liðið er eins og áður sagði öruggt með sæti í næstu umferð.