Caoimhin Kelleher markvörður Liverpool er sagður hafa áhuga á því að fara frá félaginu í sumar til að spila meira.
Kelleher er 25 ára gamall og kemur frá Írlandi en hann hefur verið varamarkvörður liðsins síðustu ár.
Daily Mirror segir að Liverpool sé tilbúið að selja hann en aðeins fyrir 25 milljónir punda.
Mörgum þykir sá verðmiði ansi hár en Kelleher hefur staðið sig vel þegar hann hefur fengið tækifæri hjá Liverpool.
Hann á hins vegar ekki möguleika á því að slá út Alisson Becker og horfir því til þess að fara.
