Það er enn von um að Kylian Mbappe spili leik franska landsliðsins gegn Hollandi í 2. umferð riðlakeppni EM í Þýskalandi á morgun.
RMC Sport greinir frá þessu, en Mbappe nefbrotnaði í sigri Frakka gegn Austurríki í 1. umferðinni.
Franski miðillinn segir að Mbappe bíði eftir grímunni sem hann mun þurfa að spila með vegna meiðslanna.
Hvenær hún kemur mun hafa mikið að segja með hvort hann spili. Svo gæti farið að hún komi í dag og að hann geti æft með hana í kvöld, daginn fyrir leik.
Það er þó ljóst að Mbappe er í kapphlaupi við tímann.