Steve Cooper hefur verið ráðinn nýr stjóri nýliða Leicester í ensku úrvalsdeildinni.
Leicester vann ensku B-deildina í vor eftir að hafa fallið úr deild þeirra bestu í fyrra. Stjóri liðsins var Enzo Maresca en Chelsea kippti honum yfir til sín á dögunum.
Því hófst stjóraleit hjá Leicester og hefur Cooper nú verið ráðinn.
Cooper hefur áður gert góða hluti með Nottingham Forest, en hann kom liðinu upp í úrvalsdeildina fyrir tveimur árum. Hann var hins vegar látinn fara þaðan í fyrra.
Leicester City Football Club can confirm the appointment of Steve Cooper as our new First Team Manager 🔵
— Leicester City (@LCFC) June 20, 2024