Arnór Ingvi Traustason leikmaður IFK Norrköping vill burt frá félaginu. Hann segir svikin loforð helstu ástæðuna en félagið situr í fjórtánda sæti sænsku deildarinnar.
Þrátt fyrir lélega spilamennsku liðsins hefur Arnór Ingvi átt frábært tímabil og vill komast í sterkara lið.
„Ég hef ekki farið leynt með það að ég var opinn fyrir því í janúar, ég held þessu öllu opnu. Ég set standarinn hærra en það sem er verið að bjóða upp á núna,“ segir Arnór Ingvi í Chess after dark.
Arnór sem er lykilmaður í íslenska landsliðinu segist vilja meira og betra en það sem er í boði hjá IFK Norrköping í dag. „Ég er með miklu meiri markmið en þetta, ég vil miklu meira en þetta. Ég er á þeim aldri núna að gera það eða gleyma því.“
Arnór var spurður að því hvort hann væri að leitast eftir því að fara í peninga „move. „Það eru allar hurðir opnar.“
Arnór er með samning til ársins 2026. „Það getur orðið vesen en ég myndi samt segja að í dag, þá hefur allt sitt verð. Þegar þú ferð í viðræður þá kemst þú að því fljótt, það er ekki gott að vera með leikmann sem er óánægður.“
Arnór segist hafa samið við liðið fyrir tveimur árum og þá var talað um það að félagið ætlaði að vera í fremstu röð í Svíþjóð. „Ég er búinn að láta vita að þetta er eitthvað sem ég sætti mig ekki við, fleiri loforð sem hafa ekki staðist. Þetta hefur ekki fengið nógu vel.“
Arnór segist vilja komast á meginland Evrópu og segir möguleika vera í stöðunni. „Það er góður séns á Ítalíu, Þýskaland, meginlandið Evrópu er ég mest að hugsa út. Mér finnst ég hafa sýnt og sannað það að ég get spilað á hærra leveli en ég er að spila núna. Meginland Evrópu væri fráabært.“
„Ég og umboðsmaðurinn tölum saman reglulega og höldum góðu sambandi núna, það er mjög mikilvægt.“