Sprengistjarnan, og 80 aðrar, fundust á bletti á himninum, sem út frá okkar sjónarhorni hér á jörðinni, er jafn breiður og eitt hrísgrjón sem haldið er á með útréttum handlegg.
Sprengistjörnur eru skammvinn fyrirbæri því birta þeirra breytist með tímanum. Af þessum sökum eru nýfundnu sprengistjörnurnar spennandi uppgötvun því rannsókn á þeim gæti veitt mikilvæga innsýn í hvernig alheimurinn stækkaði á árdögum sínum.
Höfundar rannsóknarinnar kynntu niðurstöður hennar á fundi American Astronomical Society í Madison í Wisconsin í byrjun júní. Matthew Siebert, einn höfundanna, sagði í fréttatilkynningu að með þessari uppgötvun sé bókstaflega verið að opna glugga að ungum alheiminum. Í sögulegu samhengi þá hafi alltaf eitthvað mjög spennandi fundist þegar gluggi eins og þessi hefur opnast.
