Bandaríski ferða- og lífsstílsáhrifavaldurinn Fiona heimsótti Ísland í vor og virðist hafa skemmt sér konunglega. Hún birti mörg myndbönd á TikTok frá ferðinni en hún er með tæplega 500 þúsund fylgjendur á miðlinum.
Í einu þeirra ræðir hún um hreina vatnið á Íslandi.
„Sagt er að það heimskulegasta sem þú getur gert á Íslandi er að kaupa vatn í flösku því kranavatnið hérna bragðast svo vel. Allir segja að það bragðast eins og Evian vatn. Við skulum athuga hvort það sé satt,“ sagði hún.
„Guð minn góður, mér líður eins og ég sé að gera eitthvað rangt,“ sagði hún á meðan hún fyllti brúsann sinn.
„Ég er smá stressuð, ég er mjög sérstök þegar kemur að vatni,“ sagði hún og tók fyrsta sopann.
„Guð minn góður. Það er ekkert skrýtið eftirbragð. Þetta er svo hreint og tært, smakkast svo vel. Ég held þetta sé besta vatn sem ég hef drukkið.“
Horfðu á myndbandið hér að neðan.
Watch on TikTok
Fiona virðist hafa notið Íslandsheimsóknarinnar og birti lista yfir tíu bestu áfangastaðina að hennar mati.
Watch on TikTok
