María Christina Thorarensen varð fyrir því óláni fyrir skömmu að brotist var inn í bíl hennar og stolið þaðan radarvara að verðmæti 170.000 krónur á meðan hún var að njóta sýningar í Borgarleikhúsinu.

María hefur þau skilaboð handa þjófnum að ef radarvaranum verður ekki skilað til hennar fyrir þriðjudag þá verði hann sóttur því hún er með rakningarupplýsingar um tækið.

„Ég er búin að tilkynna þetta til lögreglu í gegnum heimasíðuna þeirra og mun hafa samband við þá á þriðjudag til að ítreka málið. Ég mun þá láta þá fá staðsetninguna á radarvaranum,“ segir María í viðtali við DV.

Hún segir brotið hafa verið óþægilega upplifun. „Bíllinn var í raun ekki mikið tjónaður, sem betur fer, en þetta var dálítið sjokk, manni brá og það var mikil reiði til að byrja með. En svo áttar maður sig á því að það eru grey þarna úti sem hafa ekki önnur úrræði til að komast yfir peninga. Þetta er fólk sem greinilega þarf að leita sér hjálpar.“

María segir að hún hafi gert radarvarann ónothæfan: „Við höfum farið inn á heimasíðu framleiðanda radarvarans og höfum skráð okkur inn og blokkað virknina á varanum, þannig að hann virkar ekki.“ – Radarvarinn er því ónothæfur fyrir þjófinn og mögulegan kaupanda þýfis.

Þau sem gætu haft upplýsingar um málið eruð beðnir um að senda Maríu skilaboð á Facebook-síðu hennar. Sjá tengilinn að neðan með FB-færslu hennar um málið: