„Þetta leggst mjög vel í mig. Við spiluðum á móti þeim í fyrra og lentum í brasi en liðið er á öðrum stað í dag og ég á von að þetta verði alvöru leikur.“
Þetta sagði Arnar Grétarsson, þjálfari Vals, við 433.is að loknum blaðamannafundi á Hlíðarenda í tilefni að leik liðsins við Víking í Bestu deild karla á þriðjudag. Víkingur er á toppi deildarinnar en Valur í þriðja sæti. 4 stig skilja liðin að.
„Ef þú vilt vinna skiptir hvert einasta stig máli. Við erum að spila við ríkjandi Íslands- og bikarmeistara. Þeir eru á toppnum og eiga fjögur stig á okkur. Við megum ekki hugsa um það að við megum ekki tapa leiknum. Við verðum bara að spila okkar leik og svo skoðum við hvernig það fer. Auðvitað yrðu það mikilvæg þrjú stig því þá er Víkingur ekki að fá þrjú stig á meðan,“ sagði Arnar.
„Við þurfum að þora að stíga upp, vera agressívir, keyra aðeins á þá. Það er fyrir mér lykilatriði í fótbolta. Ekki vera lítill, vertu stór. Við erum að mæta alvöru liði sem er búið að vinna mikið af titlum síðustu ár og þetta er kærkomið tækifæri til að máta okkur við þá.“
Ítarlegra viðtal við Arnar er í spilaranum.