Það var frábær stemning í Sambíóunum Kringlunni í gær og fyllti eftirvæntingin andrúmsloftið í andyrinu meðan ungir jafnt sem aldnir, biðu eftir að hleypt yrði inn í sal á sérstaka forsýningu á teiknimyndinni Inside Out 2 frá Disney Pixar.
Inside Out 2 er frábær mynd fyrir alla fjölskylduna en myndin er framhald af Inside Out sem sló rækilega í gegn þegar hún var frumsýnd árið 2015. Báðar Inside Out myndirnar hafa hlotið einróma lof gagnrýnenda en þær segja frá Railey, ungri stelpu, og tilfinningunum sem fylgja þeirri miklu áskorun að vaxa úr grasi
Það var öllu til tjaldað í Sambíóunum Kringlunni í gær en rauðum dregli var rúllað út og yngstu bíógestirnir leystir út með gjafapokum og gotteríi. Íslenskar stjörnur létu sig ekki vanta á frumsýningu myndarinnar en meðal gesta voru; Erna Hrund, Jón Gunnar Geirdal, Krista Ketó, Sólrún Diego, Salka Sól, Katla Hreiðars (Systur & Makar), Björgvin Franz, Þórdís Björk, Linda Ben, Gummi Kíró og Lína Birgitta, Jóhanna Helga, Hannah Davíðs, og fleiri góðir gestir!
Eftir frumsýningu gengu bíógestir út með bros á vör og langflestir á því að þetta sé mynd sem nauðsynlegt er að sjá í bíó.