Jessica fór í mjög saklausa snyrtimeðferð sem margar konur gangast undir reglulega; hún lét vaxa augabrúnirnar sínar.
Hún hefur verið dugleg að leyfa fylgjendum sínum á samfélagsmiðlum að fylgjast með ferlinu. Jessica er með frekar viðkvæma húð en þegar viðbrögðin versnuðu bara þá vissi hún að þetta væri ekki eðlilegt.
Jessica greindi frá þessu í myndbandi á TikTok og er óhætt að segja að netverjum krossbrá við að sjá ástandið á andliti hennar.
@the.kind.duo This is one of the craziest things that has ever happened to me, and i can’t believe it happened during my wedding 🥲 Disclaimer: This content is exclusively managed by Caters News. To license or use in a commercial player please contact licensing@catersnews.com or call +44 121 616 1100 / +1 646 380 1615 #allergicreaction #allergies #wedding #honeymoon #honeymoontrip #motherhood #mumlife #mumvlog #momsoftiktok ♬ original sound – The Kind Duo
Ein sagði Jessicu hafa brotið gullnu regluna þegar kemur að brúðkaupsundirbúningi.
„Að fara í vax og brúnkusprautun daginn fyrir brúðkaup er alveg bannað,“ sagði hún.
„Ó, nei. Þú átt ekki að fara í vax síðustu vikuna fyrir brúðkaupið,“ sagði önnur.
„Tveimur dögum fyrir brúðkaupið fór ég og vinkona mín í neglur á snyrtistofu. Ég hugsaði að fyrst ég væri þarna gæti ég alveg eins látið vaxa augabrúnirnar mínar í leiðinni. Ég var meðvituð um að venjulega þegar ég fer í augabrúnavax þá verður húðin mín alveg skærbleik á litinn en ég hélt að tveir dagar væri nægur tími fyrir húðina að jafna sig,“ segir hún.
Hún hringdi á snyrtistofuna og fékk að vita hvaða vörur snyrtifræðingurinn hafði notað.
Hún notaði soBerry vax frá Lycon. „Og svo sagðist hún hafa borið á mig tea tree olíu til að róa húðina.“ Mörgum netverjum þótti það skrýtið, að snyrtifræðingurinn hafi notað tea tree olíu.
Jessica var eldrauð allan daginn og næsta dag, daginn fyrir brúðkaupið, tók hún eftir því að hún var komin með útbrot og bólga var farin að myndast.
„Ég tók strax ofnæmistöflu og byrjaði að kæla,“ segir hún. Hún leitaði sér upplýsinga á netinu og sá að saltvatn gæti hjálpað og fór á ströndina og þreif andlitið í sjónum. Það átti eftir að koma í bakið á henni.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Henni tókst að ná bólgunni vel niður fyrir brúðkaupið en þegar byrjaði að líða á kvöldið varð hún enn verri. Hún segir að hún hafi reynt að taka þessu með æðruleysi en það hafi verið leiðinlegt að geta ekki verið lengur að skemmta sér með fjölskyldu og vinum, en þau fóru frekar snemma upp á hótel þar sem henni leið svo illa.
Næsta dag var hún enn verri. Þetta var fyrsti dagur brúðkaupsferðarinnar en þau byrjuðu á læknisheimsókn. Læknirinn sagði að þetta hafi líklegast verið mjög slæm ofnæmisviðbrögð sem urðu verri eftir að hún þreif andlitið í sjónum, en þá hafi hún að öllum líkindum nælt sér í sýkingu. Hún var sett á sýklalyf, fékk ofnæmistöflur og krem.
„Sem betur fer fór ég til læknis því mér var farið að líða mjög illa líkamlega, var með hroll og þreytt. Eftir nokkra daga á lyfjum byrjaði mér að líða betur og bólgan fór að hjaðna.“
@the.kind.duo Allergic reaction explanation! 😅 Disclaimer: This content is exclusively managed by Caters News. To license or use in a commercial player please contact licensing@catersnews.com or call +44 121 616 1100 / +1 646 380 1615 #allergies #allergicreactions #honeymoontrip #wedding #bride #mumsoftiktok #mumvlog #momsoftiktok #motherhood ♬ original sound – The Kind Duo
