Hún heitir Kim Yo-jong. Hún er sögð hafa verið góður námsmaður en bróðir hennar hins vegar slakur. Þetta kemur fram í nýrri bók, sem heitir „The „Sister“ eftir Dr Sung-Yoon Lee. Metro segir að í henni sé skýrt frá atriðum, sem séu vandræðaleg fyrir systkinin, á þeim tíma er þau stunduðu nám í Sviss en þar notuðust þau við fölsk nöfn.
„Ég tel Kim Yo-jong vera heilann á bak við starfsemi fjölskyldunnar. Þegar þau tvö bjuggu í Sviss frá um 1996 fram til 2001, þá stundaði Kim Yo-jong námið af krafti. Hún var góður námsmaður. Hún talar góða ensku, það heyrði ég frá tveimur Bandaríkjamönnum sem hafa rætt við hana persónulega og hafa átt margra klukkustunda langa fundi með henni og bróður hennar. Bróðir hennar talar ekki stakt orð í ensku, hann talar ekki þýsku, hann var lélegur námsmaður, skrópaði oft í tíma, mætti alls ekki í skólann,“ segir hann.
Lengi var talið að Kim Yo-jong væri arftaki bróður síns en fyrir ekki svo löngu tilkynnti hann að dóttir hans, Kim Ju-ae, væri arftaki hans.
En Kim Yo-jong hefur samt sem áður haldið stöðu sinni.
Dr Lee telur að hún sé enn við stjórnvölinn þar sem Kim Ju-ae sé enn bara táningur en ekki er vitað með fullri vissu hversu gömul hún er.