Real Madrid er besta lið heims í dag ef þú spyrð Lionel Messi, fyrrum leikmann Barcelona, en hann þekkir vel til Spánar.
Messi er einn besti ef ekki besti leikmaður í sögu Barcelona en hann er í dag leikmaður Inter Miami í Bandaríkjunum.
Messi viðurkennir að Real sé besta lið heims í dag eftir að hafa unnið Meistaradeildina á dögunum gegn Dortmund.
Argentínumaðurinn nefnir einnig Pep Guardiola og hans menn í Manchester City og segir að þeir séu bestir þegar kemur að spilamennsku.
,,Besta lið heims? Real Madrid, þeir eru Evrópumeistararnir,“ sagði Messi í samtali við InfoBae.
,,Real Madrid er besta liðið en ef við tökum spilamennskuna þá er Manchester City það besta undir leiðsögn Pep, þá eru þeir bestir.“