Í umfjöllun Sky News um málið kemur fram að Benjamin hafi verið í opinberum erindagjörðum þegar hann tók upp byssu þar sem hann sat í bíl. Hann miðaði svo byssunni, sem er árásarriffill, að starfsmanni sendiráðsins.
Myndbandið var fyrst birt á samfélagsmiðlinum X. Í því sést Benjamin beina vopninu að manneskju, búið er að hylja andlit hennar. Í textanum, sem var birtur með myndbandinu, segir að Benjamin hafi dirfst að grínast á þennan hátt, þrátt fyrir að mexíkóskir eiturlyfjahringir myrði fólk daglega.
The Financial Times skýrði frá því í síðustu viku að Benjamin hefði verið vikið úr starfi í kjölfar atburðarins sem átti sér stað þegar hann heimsótti Durango og Sinaloa héruðin í apríl. Eiturlyfjarhringir eru áberandi í báðum ríkjunum.
Mexíkó á sér langa sögu um ofbeldi eiturlyfjahringja en um 30.000 manns eru myrt árlega af liðsmönnum þeirra.