Það verða enn á ný miklar breytingar hjá Nottingham Forest í sumar en átján leikmenn fara frá félaginu í lok mánaðar þegar samningar renna út.
Sex leikmenn úr aðalliði félagsins fá ekki boð um nýjan samning en um er að ræða Harry Arter, Wayne Hennessey, Cheikhou Kouyaté, Loïc Mbe Soh, Scott McKenna og Felipe.
Þá eru fimm leikmenn sem voru á láni hjá Forest á þessu tímabili sem verða ekki áfram en um er að ræða Gonzalo Montiel, Divock Origi, Gio Reyna, Rodrigo Ribeiro og Nuno Tavares.
Að Auki fara sjö leikmenn úr unglingaliði félagsins en það Kevin Adueni, Tony Gbopo, Ethan Hull, Ateef Konaté, Henry Lister, Elijah Morgan og Theo Robinson.
Rosalegar breytingar hafa verið á liði Forest á milli ára og er ljóst að það verður enn á ný í sumar en félagið hefur átt í vandræðum með að standast reglur um fjármál. Voru stig meðal annars tekin af liðinu í vetur vegna þess að félagið fór ekki eftir þeim.