fbpx
Laugardagur 27.júlí 2024
Fréttir

Eldgos er hafið, neyðarstigi lýst yfir og fluglitakóði á rautt – Kvikugangur færist nær Grindavíkurbæ

Erla Dóra Magnúsdóttir
Miðvikudaginn 29. maí 2024 12:49

Mynd/Live from Iceland

Ekki missa af Helstu tíðindum dagsins í pósthólfið þitt

Lesa nánar

Eldgos er hafið í Sundhnúkagígjaröðinni og má sjá á vefmyndavélum.  Eldgosið er nærri Sundhnúkum norðan við Grindavík og virðist vera staðsett norðaustan við Sýlingafell. Gosstrókar ná minnst fimmtíu metrum og lengdin á sprungunni virðist vera rúmlega einn kílómetri.

Uppfært: 13:12 – Að sögn Almannavarna er kvikugangurinn að færast nær Grindavíkurbæ og viðbragðsaðilar og aðrir sem eru í Grindavík eru beðnir um að vera tilbúnir að yfirgefa bæinn á mjög skömmum tíma.

Á vefmyndavél Live from Iceland mátti sjá gosið hefjast

Þyrla Landhelgisgæslunnar fer í loftið innan skamms til þess að staðfesta nánari staðsetningu, samkvæmt tilkynningu Veðurstofu, og til að meta stærð eldgossins. Fluglitakóði hefur verið færður á rautt, þangað til nánari upplýsingar um öskudreifingu berast.

Ríkislögreglustjóri hefur í samráði við lögreglustjórann á Suðurnesjum ákveðið að fara á neyðarstig. En gosið hófst rétt fyrir klukkan eitt.

Kristín Jónsdóttir, eldfjalla- og jarðskjálftafræðingur á Veðurstofu Íslands, segir að gosið sé á svipuðum stað og síðast. Hún var í beinni útsendingu í fréttum RÚV um það leyti sem gos hófst rétt fyrir klukkan 13.

„Sprungan er ansi löng og þetta er að brjótast út með mjög miklum krafti, við sjáum mjög hjáa gosstróka. Þetta er á Sundhnúksgígaröðinni og gosstrókarnir eru að ná örugglega að minnsta kosti 50 metra hæð,“ sagði Kristín og bætti við að lengdin á sprungunni væri einn og hálfur kílómetri til að, byrja með. „En við erum að horfa á allra fyrstu augnablikin í þessu gosi,“ sagði hún.

Eldgosið sést vel frá skrifstofu Víkurfrétta í Reykjanesbæ.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Verð á matvöru hækkar hratt – Hér hefur það þó hækkað mest

Verð á matvöru hækkar hratt – Hér hefur það þó hækkað mest
Fréttir
Í gær

Helgarferð innanlands eða erlendis? – „43.000 ódýrara fyrir okkur að fljúga til London“

Helgarferð innanlands eða erlendis? – „43.000 ódýrara fyrir okkur að fljúga til London“